काठमाडौं । विवादास्पद अभिव्यक्ति दिएको आरोपमा पक्राउ परेकी अधिवक्ता भगवती पाण्डे ‘शीतल’ अनुसन्धानका लागि हिरासत बस्न नपर्ने भएको छ ।

जिल्ला अदालत, काठमाडौंले हिरासतमा राखेर अनुसन्धान गर्नका लागि अनुमति नदिएपछि प्रहरीले उनलाई थुनामुक्त गरेको जिल्ला प्रहरी परिसर, काठमाडौंका एसपी कुमुध ढुंगेलले बताए ।

जातीय विभेदसम्बन्धी कसुरमा बुधबार पक्राउ परेकी पाण्डेलाई हिजै म्याद थपका लागि काठमाडौं जिल्ला अदालत उपस्थित गराइएको थियो। उनलाई हिरासतमा राखेर अनुसन्धान गर्न नपर्ने भन्दै अदालतले म्याद थप नगरेको हो ।

यद्यपी, पाण्डेविरूद्ध जाहेरी अनुसारकै मुद्दा भने चल्नेछ। हिरासतमा नराख्ने भनिएको र आरोपी बाहिरै बसेर मुद्दा लड्ने एसपी ढुंगेलले बताए ।
पाण्डेले एक टेलिभिजन अन्तर्वार्तामा मुस्लिम, मगर, तामाङ लगायत समुदायमा हाडनाताबीच हुने विवाहलाई लिएर विवादास्पद अभिव्यक्ति दिएकी थिइन्।