काठमाडौं । युक्रेनका सेना प्रमुखका अनुसार रुसी सेनाले युक्रेनको आवासीय क्षेत्रमा क्षेप्यास्त्र आक्रमण जारी राखेको छ । साथै मानवीय संकट निम्त्याउने उद्देश्यले इन्धन डिपोमा आक्रमण गरेको युक्रेनले दाबी गरेको छ । यतिवेला राजधानी किएभ, लभिभ, रिब्ने, जाइटामिर, लुत्स्कलगायतका सहरका इन्धन डिपो प्रभावित भएको बताइएको छ ।

युक्रेनी सेनाले रुसी सेनाले राजधानी किएभ, दक्षिणपूर्वीमा जाफोरिज्जिया, दक्षिणमा खेरसोन र पूर्वमा खार्किभ सहरमा सर्वसाधारणलाई लुट्ने, अपहरण गर्ने र बन्धक बनाउने गतिविधि गरिरहेको बताएका छन् ।

रुस र युक्रेनबीच युद्ध जारी रहेको ३४ दिन पुगेको छ । मंगलबार नै टर्कीमा युक्रेन र रुसका प्रतिनिधिमण्डलबीच अर्को चरणको शान्तिवार्ता हुँदैछ ।

युक्रेन र रुसबीच नयाँ चरणको शान्ति वार्ता हुँदै