फर्जी नतिजाको चिर्कटो बोकेर लोक सेवाको परीक्षा दिन गएपछि…
अनियमित कार्य गरेपछि चार परीक्षार्थीको परीक्षा रद्द
काठमाडौं । लोक सेवा आयोगले आफूले सञ्चालन गर्ने परीक्षालाई अनुशासित र मर्यादित बनाउन विभिन्न नियम बनाएको छ । तथापि, परीक्षाको मर्यादा उल्लंघन गर्ने क्रम रोकिएको छैन । नयाँ–नयाँ जुक्ति निकाल्दै लोक सेवालाई छक्याउने प्रयत्न परीक्षार्थीले गरिरहेका छन् । यसैक्रममा आयोगको कठोर नियम बेवास्ता गर्दै परीक्षामा सामेल हुने चार परीक्षार्थी कारबाहीमा परेका छन् ।
शाखा अधिकृत र नायब सुब्बाको परीक्षामा अनुशासनहीन गतिविधि गरेपछि आयोगले उनीहरूको लिखित परीक्षा रद्ददेखि एक वर्ष निलम्बनसम्मको निर्णय गरेको हो ।
गत भदौ २ गते सञ्चालित नायब सुब्बाको परीक्षामा वस्तुगत प्रश्नपत्र फिर्ता नगरी आफूसँगै लिएर गएपछि लक्ष्मी सुब्बाको सबै परीक्षा रद्द गरिएको छ । सुरुमा आफूसँगै प्रश्नपत्र लिएर गएकी सुब्बाले पछि सोही दिन कार्यालयमा आई त्यसलाई फिर्ता गरेकी थिइन् ।
गत साउन २५ मा सञ्चालित शाखा अधिकृतको परीक्षामा गौरव गुरुङ नाम गरेका व्यक्ति प्रथम चरणको परीक्षामा अनुत्तीर्ण हुँदाहुँदै पनि सहभागी भए । उक्त परीक्षामा सहभागी हुन उनले उत्तीर्ण भएका परीक्षार्थीको नाम इडिट गरेर आफ्नो नाम राखेका थिए । अनौठो जुक्ति लगाउँदै आयोगका कर्मचारीलाई छक्याएर परीक्षामा सामेल गुरुङको पनि सबै परीक्षा रद्द गरिएको छ । साथै कुनै पनि लिखित परीक्षामा एक वर्षसम्म सामेल हुन नपाउने निर्णय गरिएको आयोगले जनाएको छ ।
गत साउन २५ मा सञ्चालित शाखा अधिकृतको परीक्षामा खण्ड (ग) र (ख) को उत्तरपुस्तिकाको बाहिरी कभर एउटाको अर्कोमा च्यातेर थप कापीसमेत स्टिच गरेको पाइएपछि देवेन्द्र कटुवालको परीक्षा रद्द गरिएको छ ।
त्यस्तै, नेपाल नागरिक उड्डयन प्राधिकरण प्रतिष्ठानको बेसिक एरोड्रोम रेस्क्यु एण्ड फाइटिङ कोर्षको परीक्षामा सहभागी एक परीक्षार्थीको परीक्षा पनि रद्द भएको छ । ती परीक्षार्थीले विषयगत उत्तरपुस्तिकाको बीचको पाना च्यातेको खुलेपछि आयोगले अनियमित कार्य ठहर गर्दै परीक्षा रद्द गरेको हो ।
ताजा अपडेट
-
कोशीको राजनीतिमा रोचक दृश्य: एकातिर मुद्दा, अर्कातिर सत्ता
-
विश्वकप त्रिकेटः नेपालको समूहमा रहेको श्रीलंकाद्वारा टोली घोषणा
-
ललितपुरमा भएको दुर्घटनामा बालिकाको मृत्यु
-
मन्त्रिपरिषद् बैठकः एआइजीको बढुवा, समाज कल्याणमा नियुक्ति
-
कस्तो हुनुपर्छ शैक्षिक र व्यवसायिक अन्तरसम्बन्धको मोडल ?
प्रतिक्रिया