काठमाडौं । कोशी प्रदेशका मुख्यमन्त्री उद्धव थापालाई सर्वोच्च अदालतले पदमुक्त गरेको छ ।

सभाध्यक्षको समेत मतदानबाट मुख्यमन्त्रीको विस्वासको मत लिएका थापालाई सर्वोच्चलै अवैध ठहर गरेको हो ।

न्यायाधीशहरू सपना प्रधान मल्ल, डा। कुमार चुडाल र नहकुल सुवेदीको संयुक्त इजलासले संविधानको धारा १६८ ९३० अनुसार सबैभन्दा ठूलो दलका नेता हिक्मत कार्कीलाई ४८ घण्टाभित्र मुख्यमन्त्री नियुक्त गर्न परमादेश दिएको छ ।

यसअघि सभाध्यक्षको समेत मतबाट थापाले लिएको विस्वासको मतलाई सर्वोच्चले बदर गरेको छ ।

थापाले भदौ ४ गते प्रदेश सभाबाट विश्वासको मत लिएका थिए । उनलाई सभाध्यक्ष इस्माइल मन्सुरीले पनि मतदान गरेका थिए ।

सभाध्यक्षले मतदान गर्न नपाउने संवैधानिक व्यवस्था रहेको जिकिर गर्दै एमाले संसदीय दलका नेता हिक्मत कार्कीले सर्वोच्चमा रिट दिएका थिए ।

थापाले प्रदेश सभाबाट पाएको विश्वासको मत खारेज गरी संविधानको धारा १६८ को उपधारा ३ बमोजिम सरकार गठनका लागि परमादेश मागेका थिए ।

सर्वोच्चले कार्कीको मागबमोजिम परमादेश जारी गरिदिएको हो ।

अब प्रदेश प्रमुखले सबैभन्दा ठूलो दलका संसदीय दलका नेता हिक्मत कार्कीलाई मुख्यमन्त्री नियुक्त गर्नुपर्ने छ ।