युद्ध सुरु भएयता ४० लाख युक्रेनीले देश छोडे
किएभ । रुसको युद्धबाट बच्न ४० लाखभन्दा बढी युक्रेनीहरू अहिले देश छोडेर भागेको संयुक्त राष्ट्रसंघको तथ्यांकले बुधबार देखाएको छ ।
युनएचसिआर संयुक्त राष्ट्रसंघ शरणार्थी एजेन्सीले बताएको जनाएअनुसार ४० लाख १९ हजार युक्रेनीहरू गत फेब्रुअरी २४ को आक्रमण पछि देशको सिमाना पार गरी भागेका थिए । ती मध्ये २३ लाखभन्दा बढी पश्चिमबाट पोल्याण्ड गएका थिए । देशभित्रै ६५ लाख युक्रेनी विस्थापित भएका छन् ।
मंगलबार टर्कीको इस्तानाबुलमा रुस र युक्रेनबीच भएको वार्ता पछि रुसले किएभलगायतका क्षेत्रमा आक्रमण कम गर्ने वाचा गरेको थियो ।
प्रतिक्रिया