बागमती किनारमा मृत भेटिए युवक

म्याक्स टाइगरको क्यान खोल्दा चम्कियो भाग्य, तिन जनाले जिते बाइक र स्कुटर !

नेपालवाच २०८० असोज २४ गते १०:१३

काठमाडौं । काठमाडौंको नयाँ बानेश्वर स्थित बागमती नदी किनारमा युवकको शव फेला परेको छ ।

मृत भेटिएका युवक काठमाडौंको बालाजु गोलढुंगा घर भई शंखमुलमा बस्ने २० वर्षीय विकास महरा रहेको जिल्ला प्रहरी परिसर काठमाडौंले जनाएको छ ।

सिरिन्जसहित उनको शव घोप्टो परेको अवस्थामा भेटिएको हो । शरीरमा अन्य चोट नदेखिएको प्रहरीले जनाएको छ। घटनास्थलबाट प्रहरीले मृतकको फोन पनि बरामद गरेको छ।

घटनास्थलको मुचुल्का गरी शव पोष्टमर्टमका लागि आज बिहान साढे ८ बजे महाराजगंजस्थित शिक्षण अस्पताल पठाइएको छ । घटनाबारे थप अनुसन्धान भइरहेको प्रहरीले जानकारी दिएको छ ।