काठमाडौं । चर्चित अमेरिकी टिभी शो ‘फ्रेन्ड्स’का चर्चित अभिनेता म्याथ्यु पेरीको निधन भएको छ ।

उनको ५४ वर्षको उमेरमा निधन भएको अमेरिकी सञ्चार माध्यामले जनाएका छन् । पेरीको शव लस एन्जलसस्थित उनको घरमा भेटिएको प्रहरीले मिडियालाई जानकबारी गराएको छ ।

म्याथ्यु पेरीले ९० को दशकको हिट अमेरिकी टिभी कार्यक्रम ‘फ्रेन्ड्स’मा चन्डलर बिङको चर्चित पात्र निभाएका थिए । न्यूयोर्क शहरमा बस्ने छ जना युवा साथीहरूको जीवनमा आधारित यो टिभी कार्यक्रम सन् १९९४ देखि २००४ सम्म प्रसारण भएको थियो ।

२००० को दशकमा यसको अन्तिम एपिसोड २५.५ करोड मानिसहरूले हेरेका थिए । यो दशकमा सबैभन्दा धेरै हेरिएको टिभी कार्यक्रम रहेको थियो । लस एन्जलस टाइम्स र टीएमजीलेका अनुसार म्याथ्यूको शव बाथटबमा फेला परेको थियो।