काठमाडौं । तीव्र गतिका बलर प्याट कमिन्सले कोलकाता इण्डियन प्रिमियर लिग (आइपिएल)मा नयाँ कीर्तिमान बनाएका छन् । उनले बलिङमा नभएर ब्याटिङतर्फ नयाँ कीर्तिमान बनाएका हुन् ।

कोलकत्ता नाइट राइडर्सबाट आइपिएल खेल्ने क्रममा गएराति मुम्बई इन्डियन्सविरुद्ध १४ बलमै अर्धशतक प्रहार गर्दै अष्ट्रेलियाका टेस्ट कप्तानसमेत रहेका कमिन्सले कीर्तिमान बनाएका हुन् ।

कमिन्सले १५ बलमा ४ चौका र ६ छक्कासहित ५६ रनको विष्फोटक इनिङ खेलेका थिए । उनले छिटो अधृशतक प्रकार गरेपछि कोलकत्ताले मुम्बईविरुद्ध ५ विकेटको सानदार जित निकाल्यो ।

यो आइपिएल इतिहासकै सर्वाधिक छिटो अर्धशतक पूरा गर्ने कीर्तिमानीको बराबरी हो ।

आइपिएल : कोलकत्तासँग मुम्बई स्तब्ध