काठमाडौं । प्रधानमन्त्री पुष्पकमल दाहालले प्रमुख प्रतिपक्षी दलका नेतालाई छलफलका लागि बोलाएका छन् ।

नेपाली कांग्रेसले गरिरहेको संसद् अवरोधबारे छलफलका लागि कांग्रेसका नेतालाई अहिले बिहान ९ बजे प्रधानमन्त्रीनिवास बालुवाटारमा बोलाइएको प्रधानमन्त्री दाहालको सचिवालयले जनाएको छ ।

उपप्रधान तथा गृहमन्त्री रवि लामिछाने सहकारी ठगी प्रकरणमा जोडिएको आरोप लगाउँदै त्यसउपर संसदीय छानबिनको माग राखेर कांग्रेसले अघिल्लो अधिवेशनमै संसद् अवरोध गरेको थियो ।  शुक्रबारबाट सुरु बजेट अधिवेशनमा पनि कांग्रेसले सोही मुद्दा उठाएर संसद् अवरोध यथावत् राखेपछि प्रधानमन्त्रीले उक्त गत्यावरोध हलका लागि पहलकदमी उठाएका हुन् ।