काठमाडौं । सरकारले आगामी दशकलाई कृषि लगानी दशक घोषणा गरेको छ । कृषि क्षेत्रको विकास गर्ने भन्दै सरकारले आगामी दशकलाई कृषि दशक घोषणा गरेको हो ।

संघीय संसदको संयुक्त बैठकमा आगामी आर्थिक वर्षको बजेट प्रस्तुत गर्दै अर्थमन्त्री वर्षमान पुनले भूगोल, बजार सम्भाव्यता, कृषि उपजलगायतको आधारमा विशेष क्षेत्र घोषणा गरिने बताए ।

सरकार, किसान र व्यवसायी मिलेर करार खेती प्रवर्द्धन गर्ने, कृषि उपज प्रशोधन, निर्यात गर्नेलाई उत्पादित उपजका आधारमा कर्जामा ब्याज अनुदान र मल, बीउ प्रदान गर्ने घोषणा पनि सरकारले गरेको छ ।

सामूहिक खेतीका लागि लिजमा सरकारी जग्गा उपलब्ध गराउने घोषणा पनि सरकारले गरेको छ ।