काठमाडौं । अमेरिकी पूर्वराष्ट्रपति डोनाल्ड ट्रम्पमाथि गोली प्रहार भएको छ । यद्यपि, उनी सुरक्षित छन् ।

अमेरिकाको पेन्सिलभेनियास्थित ग्रेटर पिट्सबर्ग क्षेत्रको बटलर काउन्टीको चुनावी र्‍यालीमा उनीमाथि गोली प्रहार भएको हो ।

प्रत्यक्षदर्शीहरूले करिब ३०० यार्ड परदेखि राइफलबाट उनीमाथि गोली प्रहार गरिएको जनाएका छन् ।

सार्वजनिक तस्बिरमा ट्रम्पको अनुहारमा रगत बगिरहेको देख्न सकिन्छ । अन्तर्राष्ट्रिय सञ्चारमाध्यमहरूले गोली प्रहार भए पनि ट्रम्प सुरक्षित रहेको र उनलाई अस्पताल लगिएको जनाएका छन् ।

ट्रम्पमाथि गोली प्रहार गर्ने व्यक्तिको भने घटनास्थलमै मृत्यु भएको छ । प्रहरीको गोलीबाट अर्का एक जना सर्वसाधारणको समेत ज्यान गएको बताइएको छ ।

यसैबीच, अमेरिकी राष्ट्रपति जो बाइडनले ट्रम्पमाथि भएको गोली प्रहारको निन्दा गरेका छन् ।

चुनावी –यालीमा रहेका बाइडेनले सञ्चारकर्मीलाई संक्षिप्त प्रतिक्रिया दिँदै घटना निन्दनीय भएको बताएका हुन् ।