काठमाडौं । प्रधानमन्त्री केपी शर्मा ओली चीनबाट बिदा भएर नेपाल प्रस्थान गरेका छन् ।

चिनियाँ समकक्षी ली छ्याङको निमन्त्रणामा सोमबार चीनको चारदिने औपचारिक भ्रमणका निस्किएका ओली बिहीबार बिहान नेपाल प्रस्थान गरेका हुन् ।

प्रधानमन्त्री ओलीलाई बेइजिङस्थित क्यापिटल अन्तर्राष्ट्रिय विमानस्थलमा त्यहाँका उपपरराष्ट्रमन्त्री सुन बेइदोङले बिदाइ गरे । ओली बिहीबार बिहान २ बजे नेपाल आइपुग्ने बताइएको छ ।

आफ्नो पहिलो द्विपक्षीय विदेश भ्रमणका लागि चीन रोजेका ओलीले  चिनियाँ राष्ट्रपति सी चिनफिङ, चिनियाँ समकक्षी ली छ्याङलगायतसँग भेटवार्ता गरेका थिए ।

भ्रमणका दौरानमा बिआरआईको फ्रेमवर्कमा पनि नेपाल र चीनबीच सम्झौता भएको छ ।