क्यानडाका प्रधानमन्त्रीले दिए पदबाट राजीनामा

पहिरोले आठ सडक प्रभावित, बिपी र कान्तिलोकपथमा राति सवारी चलाउन नपाइने

क्यानडाका प्रधानमन्त्रीले दिए पदबाट राजीनामा

नेपालवाच २०८१ पुष २३ गते ६:०१

काठमाडौं । क्यानडाका प्रधानमन्त्री जस्टिन ट्रुडोले पदबाट राजीनामा दिएका छन् । सोमबार पत्रकार सम्मेलन आयोजना गरेर उनले राजीनामाको घोषणा गरेका हुन् ।

ट्रुडोले दलको नेताबाट राजीनामा दिएको घोषणा गर्दै पार्टीबाट अर्को नेता चयन नहुँदासम्मका लागि सरकारको नेतृत्वमा रहने बताए ।

उनले आफू एउटा योद्धा भएको बताए । प्रधानमन्त्री भएदेखि नै जनताको अनवरत सेवा गरेको उनको भनाइ छ ।

सन् २०१५ मा प्रधानमन्त्री बनेका ट्रुडोको लोकप्रियता पछिल्लो समय खस्कँदै गएको थियो । यही कारण उनले कार्यकाल बाँकी छँदै पदबाट राजीनामा दिएको अन्तर्राष्ट्रिय सञ्चारमाध्यमले जनाएको छ ।