विशेष अदालतबाट दुई कर्मचारी भ्रष्टाचारी ठहर

परराष्ट्रमन्त्री खनाल शनिबारदेखि तीनदिने औपचारिक भ्रमणमा भारत जाँदै

विशेष अदालतबाट दुई कर्मचारी भ्रष्टाचारी ठहर

नेपालवाच २०८१ माघ २९ गते ८:५१

काठमाडौं । विशेष अदालतबाट दुई कर्मचारी भ्रष्टाचारी ठहर भएका छन् ।

विशेष अदालतका अध्यक्ष टेकनारायण कुँवर र सदस्य रामबहादुर थापाको इजलासले जिल्ला अदालत कपिलवस्तुका तहसिलदार सन्तोषकुमार मिश्र र कम्प्युटर अपरेटर विकास पाण्डेलाई भ्रष्टाचारी ठहर गरेको हो । उनीहरूलाई क्रमशः दुई महिना र एक महिना जेल सजाय सुनाइएको छ ।

मिश्र र पाण्डेलाई सेवाग्राहीसँग लिएको घुससहित रंगेहात पक्राउ गरिएको थियो । अनुसन्धानका क्रममा उनीहरूले सेवाग्राहीसँग घुस रकम मागेको अडियो र भिडियोसमेत फेला परेको थियो । अदालतले आफ्नो आदेशमा त्यसैबाट उनीहरूले भ्रष्टाचार गरेको पुष्टि हुने उल्लेख गरेको छ ।