काठमाडौं । युक्रेनलाई दबाबमा राख्दै आइरहेको रुसले आक्रमणलाई फेरि चौतर्फी बनाएको छ । पछिल्ला आक्रमणमा पाँच जनाको ज्यान गएको छ भने १३ जना घाइते भएका छन् ।

रुसी फौजले अहिले मध्य खार्किभको भवनहरूमा गोलाबारी गरिरहेको छ । स्थानीय स्वास्थ्य अधिकारीलाई उद्धृत गर्दै जनाइएअनुसार हालसम्म त्यहाँ पाँचको ज्यान गइसकेको छ । दर्जन घाइते छन् । रसियाको सीमा उत्तर पूर्वी सहरमा यसअघि गरिएको आक्रमणमा भारी क्षति पुगेको थियो ।

निप्रोमा रहेका बिबिसीका जो इनबुडले पूर्वी युक्रेनमा हवाई हमलाको साइरन लगभग स्थिर रहेको बताएका छन् ।

त्यसैगरी, दक्षिणी शहर मेकोलाइभ र त्यसआसपासका इलाकामा पनि रुसी रकेटले हमला जारी राखेको त्यहाँका गभर्नर बिटाली किमलाई उद्धृत गर्दै बिबिसीले जनाएको छ । तर ओडिसाबाट अघि बढ्ने रुसी प्रयासलाई भने युक्रेनी सेनाले अवरुद्ध गरिदिएका छन् ।