काठमाडौं । अख्तियार दुुरुपयोग अनुुसन्धान आयोगले पचरौता नगरपालिका बाराका तत्कालीन निमित्त प्रमुख प्रशासकीय अधिकृत श्याम प्रसाद यादवसमेत ३ जनामाथि भ्रष्ट्राचार मुद्दा दर्ता गरेको छ ।

नगरपालिकाले सार्वजनिक खरिद ऐनलाई छलेर विज्ञापन प्रकाशित नगरी आर्थिक अनियमितता गरेको भन्दै आयोगले मंगलबार प्रमुख प्रशासकीय अधिकृत यादवसहित ३ माथि आरोपमा मुद्दा दर्ता गरेको हो ।

नगरपालिकाबाट आर्थिक वर्ष २०७७/०७८ मा सञ्चालन भएका ठेक्काको बोलपत्र आह्वानको सूचना सार्वजनिक खरिद ऐन बमोजिम राष्ट्रियस्तरको दैनिक पत्रिकामा प्रकाशन गर्नुपर्नेमा केएस मल्टिपरपोज प्राइभेट लिमिटेडका अध्यक्ष कमलकुमार उपाध्याय समेतको मिलेमतोमा पचरौता नगरपालिकाको ठेक्काको अभिलेखमा राख्नका लागि मात्रै प्रभाव दैनिक पत्रिकामा एकप्रति मात्र बोलपत्र आह्वानको सूचना प्रकाशित गरेको आयोगकाे आरोपपत्रमा उल्लेख छ ।