काठमाडौं । सत्तारुढ पाँच दलले वैशाख ३० को स्थानीय तह निर्वाचनलाई लक्षित गर्दै ७ वटै प्रदेशम चुनावी सभा गर्ने भएका छन् ।

रामचन्द्र पौडेल संयोजकत्वको स्थानीय तहको निर्वाचनका लागि गठबन्धनका दलहरूको आन्तरिक तयारी र अनुगमन गर्ने संयन्त्रको बैठकले सातवटै प्रदेशमा चुनावी सभा गर्ने निर्णय गरेको हो ।

यी सभालाई गठबन्धनका प्रमुख नेता गठबन्धनका संयोजकसमेत गरी ६ जना शीर्ष नेताले सम्बोधन गर्ने भएका छन् ।

यस्ता सभा १८ वैशाखमा धनगढी र सुर्खेतमा, बुटवल र पोखरामा १९ वैशाखमा, विराटनगर र जनकपुरमा २० वैशाखमा र २२ वैशाखमा काठमाडौंमा हुनेछ ।

एमालेविरुद्ध जित्न सत्ता गठबन्धनले देशैभर चुनावी तालमेल गर्दैछन् ।