काठमाडौँ । स्वास्थ्य तथा जनसङ्ख्या मन्त्रालयले जेन जेडहरूको आन्दोलनमा घाइते भएका नागरिकहरूको उपचार निःशुल्क गर्न मातहतका सबै संघीय अस्पताललाई सर्कुलर जारी गरेको छ।

स्वास्थ्य मन्त्री प्रदीप पौडेलको पहलमा मन्त्रालयले आन्दोलनका घाइतेलाई कुनै शुल्क नलाग्ने गरी तत्कालीन उपचारको व्यवस्था गर्न अस्पतालहरूलाई निर्देशन दिएको हो।

यससँगै, मन्त्रालयले एम्बुलेन्स सेवालाई थप प्रभावकारी बनाउन र आवश्यक परेका स्थानहरूमा सहजै उपलब्ध गराउने व्यवस्था मिलाउन समेत निर्देशन दिएको छ। काठमाडौँ उपत्यकाभित्र एम्बुलेन्स सञ्जालमार्फत एक अस्पतालबाट अर्को अस्पतालमा रिफर भएका बिरामीलाई सहजै लैजान सहजीकरण गर्न आह्वान गरिएको छ।

साथै, सम्पूर्ण चिकित्सक तथा स्वास्थ्यकर्मीलाई एकजुट भई घाइतेको उपचारमा खटिन मन्त्रालयले आग्रह गरेको छ।