‘केपी ओलीले हीनताबोध गर्नुपर्ने केही काम गर्नुभएको छैन,’ उनले भने, ‘बरु राष्ट्रको गौरव राख्ने काम गर्नुभएको छ । त्यही भएर हामी सानदार ढंगले आउँछौं ।’भ्रष्टाचारको अन्त्य, सामाजिक सञ्जालमाथि लगाइएको प्रतिबन्ध फुकुवालगायत माग राखेर जेनजी पुस्ताले भदौ २३ गते गरेको शान्तिपूर्ण प्रदर्शनमा प्रहरीले अन्धाधुन्ध गोली चलाउँदा किशोरसहित झण्डै दुई दर्जन युवाको ज्यान गएको थियो । सरकारी दमनकै कारण त्यसको भोलिपल्ट आक्रोसित प्रदर्शनकारीले सार्वजनिक, निजी, व्यावसायिक भवनहरूलाई निशाना गर्दै आगजनी गरेका थिए । ओली आफैंको बालकोटस्थित निवासमा आगजनी गरिएको थियो भने ज्यान जोगाउन भागेर नेपाली सेनाको ब्यारेकमा बस्नु परेको थियो । अहिले पनि उनी आफूमाथि सुरक्षा खतरा रहेको भन्दै नेपाली सेनाको शिवपुरीस्थित ब्यारेकमै छन् ।