नेपाल नागरिक उड्डयन प्राधिकरणमा करार सेवाका लागि २० जनाको माग

नेपालवाच २०८२ कार्तिक २९ गते ७:५८

काठमाडौँ -नेपाल नागरिक उड्डयन प्राधिकरणले विभिन्न पदका रिक्त स्थान पूर्ति गर्न करार सेवामा २० कर्मचारी भर्ति गर्ने भएको छ।

प्राधिकरणले आज एक सूचना जारी गर्दै स्थायी पदपूर्ति भएमा स्वतः हट्ने गरी नेपाल नागरिक उड्डयन प्राधिकरण कर्मचारीहरूको सेवाका शर्त र सुविधा सम्बन्धी नियमावली, २०५६ को नियम ४.११ बमोजिम बढीमा एक वर्षका लागि करार सेवाका लागि २० कर्मचारी माग गरेको हो ।

योग्यता पुगेका इच्छुक नागरिकहरूले यो सूचना प्रकाशित भएको मितिले २१ दिनभित्र अनलाइनमार्फत दरखास्त दिन सक्ने प्राधिकरणले जनाएको छ ।