काठमाडौं- नेपाली कांग्रेस राष्ट्रिय सभामा पनि अग्रस्थानमा पुगेको छ। आइतबार सम्पन्न राष्ट्रिय सभा निर्वाचनमा कांग्रेसका ९ जना उम्मेदवार निर्वाचित भएसँगै पार्टी पहिलो दल बनेको हो।

एमाले र जसपासँग तालमेल गरेर कांग्रेसले १८ मध्य ९ सिट लिएको थियो, जसमध्यै सबै निर्वाचित भएका हुन्।

अब राष्ट्रिय सभामा कांग्रेस २५ सिटसहित पहिलो दल बनेको हो। यसअघि कांग्रेसको १६ सिट थियो।

त्यस्तै आजको चुनावबाट कतै उम्मेदवार जिताउन नसकेको नेपाली कम्युनिस्ट पार्टी १८ सिटसहित दोस्रोमा पुगेको छ। यसअघि नेकपा पहिलो दल थियो।

नेकपाका ९ सदस्य आजबाट बिदा भएका छन्। त्यस्तै एमाले ११ सिटसहित तेस्रो रहँदा राष्ट्रिय जनमोर्चका १ जना सांसद मात्रै रहेका छन्।

राष्ट्रिय सभामा कुल ५९ सदस्य रहन्छन्, जसमध्ये राष्ट्रपतिले ३ जना मनोनीत गर्ने गर्छन्।