आइएमई लाइफको वार्षिक साधारणसभा आज, आइपिओ जारी गर्ने प्रस्ताव पेश गर्दै

सरकारले तोक्यो गहुँको न्यूनतम समर्थन मूल्य

आइएमई लाइफको वार्षिक साधारणसभा आज, आइपिओ जारी गर्ने प्रस्ताव पेश गर्दै

नेपालवाच २०७९ वैशाख १४ गते १०:४६

काठमाडाैं । आइएमई लाइफ इन्सुरेन्सको आज चौथो वार्षिक साधारण सभा बस्दैछ । सभा बेगनास हल, -याडिसन होटल लाजिम्पाट काठमाडौंमा बिहान ११ बजे सुरु हुँदैछ । सभामा कम्पनीले आइपीओ जारी गर्ने विशेष प्रस्ताव पेश गर्नेछ ।

सभामा आव २०७६–७७ को वार्षिक प्रतिवेदनमा छलफल गर्ने र नाफा–नोक्सान हिसाब पारित गर्ने एजेन्डा रहेको छ । साथै आव २०७७–७८ को लागि लेखापरीक्षक नियुक्त गरी पारिश्रमिक निर्धारण गर्ने प्रस्ताव पनि पेश हुँदैछ ।

अन्य इन्सुरेन्स कम्पनीहरुसँग गाभ्ने–गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि रहेको छ ।