काठमाडौं । भारतीय कांग्रेस नेता राहुल गान्धी पाँच दिवसीय निजी यात्रामा सोमबार नेपाल आएका छन् । उनी सोमबार साँझ नेपाल आइपुगेका हुन् । गान्धीले ५ दिनको बसाइमा नेपालका विभिन्न पर्यटकीय स्थलको भ्रमण गर्ने कार्यक्रम रहेको छ ।

उनी पूर्व सिएनएनकर्मी एवं साथी सुम्निमा उदासको विवाहमा सहभागी हुन नेपाल आएको बताइएको छ ।

होटल हायात रेजेन्सीमा मंगलबार हुने विवाह समारोह र मे ५ मा हुने रिसेप्सनमा गान्धी सहभागी हुने सुम्निमाका बुबा भिम उदासलाई उधृत गर्दै विभिन्न सञ्चारमाध्यमले लेखेका छन् ।

इन्डो एसियन न्युज एजेन्सीका अनुसार गान्धीले रारा ताल र मुस्ताङको भ्रमण गर्नेछन् । यसअघि राहुल गान्धी सन् २०१८ मा कैलाश मानसरोवरको यात्रामा जाँदा काठमाडौं आएका थिए ।

राहुल गान्धी काठमाडौंमा