काठमाडौं । स्थानीय तहको निर्वाचनपछि सत्तारुढ दलको बैठक बसेको छ ।

बैठकले ७७ वटा जिल्ला समन्वय समिति र बाँकी रहेका पालिकाहरूको कार्यपालिका सदस्यको निर्वाचनमा पाँच दलीय गठबन्धनको बीचमा सहमति गरी अगाडि बढ्न पाँच दलका शीर्ष नेताले सहमति गरेका हुन् ।

यस्तो सहमति कार्यान्वयन गर्न बैठकले प्रदेश र जिल्ला समितिहरूलाई निर्देशन दिइएको छ ।

गठबन्धनको तर्फबाट कांग्रेसबाट सभापति शेरबहादुर देउवा, माओवादीबाट अध्यक्ष प्रचण्ड, नेकपा एकीकृत समाजवादीबाट अध्यक्ष माधवकुमार नेपाल, जनता समाजवादी पार्टीका अध्यक्ष उपेन्द्र यादव र राष्ट्रिय जनमोर्चाकी उपाध्यक्ष दुर्गा पौडेलले हस्ताक्षर गरेका छन् ।