काठमाडौं । कांग्रेससँग गठबन्धन गरेर गाउँपालिकामा चुनाव जितेको माओवादीले कार्यापालिकामा भने एमालेसँग मिलेर कांग्रेसलाई हराएको छ ।

सुर्खेतको चौकुने गाउँपालिकामा माओवादीले यसरी दोहोरो चरित्र देखाएको हो । माओवादीले कांग्रेससँग तालमेल गरेर गाउँपालिकामा अध्यक्षमा खड्क विक विजयी भएका थिए । उपाध्यक्ष कांग्रेसले जितेको थियो ।

तर कार्यपालिकाको सदस्यमा निर्वाचित हुन माओवादी कांग्रेसविरुद्ध उभिदैं एमालेसँग मिल्न पुगेको हो । ६ सदस्य लागि माओवादी एमालेसँग मिल्न पुगेको हो ६ जनामध्ये माओवादीबाट ४ र एमालेबाट २ जना सदस्य निर्वाचित भए ।

१० वडामध्ये कांग्रेस र एमालेले ४\४ र माओवादीले २ वडाध्यक्ष जितेका थिए ।

महिला सदस्यमा माओवादीबाट पदमा देवी विश्वकर्मा, अम्बिका विक र हजुरा कुमारी बिष्ट उम्मेदवार थिए । दलित वा अल्पसंख्यकतर्फको सदस्यमा उज्जीरे ढोली उम्मेदवार बनेका थिए ।

एमालेतिरबाट तालमेलमा महिला सदस्यतर्फ कमलादेवी विक र दलित वा अल्पसंख्यक सदस्यतर्फ शंकरबहादुर कामी उम्मेदवार थिए ।