युरोपमा मानिसकाे भीडभाडमा सुई आक्रमण बढ्यो
काठमाडौं । पछिल्लो समय फ्रान्स, बेलायतलगायत युरोपका धेरै देशमा रहस्यमय सुईको आतंक छ । नाइटक्लब, कन्सर्ट र धेरै भीडभाड हुने ठाउँहरूमा मानिसहरुमाथि सुई आक्रमण भइरहेको छ । फ्रान्समा यस्ता ३०२ पीडितले उजुरी दिएका छन् ।
प्रहरीले अनुसन्धान गरिरहे पनि यसबारे सुराक भने फेला परेको छैन । फ्रान्ससँगै बेलायत, बेल्जियम र नेदरल्याण्डका प्रहरीले पनि यस्ता घटनाको अनुसन्धान गरिरहेका छन् ।
त्यहाँ को-को छन् र कसले यस्तो गरिरहेका छन् भनेर प्रहरीले खोजी गरिरहेको छ । पीडितमध्ये अधिकांश महिलाहरु रहेका छन् । आफ्नो पाखुरामा सुईको दाग रहेको र सुईसँगै नीलो रङको पदार्थ देखिएको पीडितहरुले बताएका छन् ।
यो लागूऔषधको इन्जेक्सन हो वा अन्य केमिकल हो भन्ने बारे प्रहरीले अनुसन्धान गरिरहेको छ । धेरैजसो पीडितले सुई लगाएपछि चक्कर लाग्ने र बान्ता हुने गरेको गुनासो गरेका छन् । केही पीडितहरूले निद्रामा समस्या र बेचैनी पनि हुने गरेको अनुभव गरेका छन् ।
फ्रान्सेली प्रहरी अधिकारीका अनुसार दुई व्यक्तिमा जिएचबी ड्रग्स पोजेटिभ देखिएको छ । यो सुई लगाएको १२ घण्टाभित्रै पिसाब परीक्षण गरेमात्रै थाहा हुन्छ । पीडितहरूलाई जिएचबीको सुई लगाइएको आशंका गरिएको छ ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया