काठमाडौं । ज्यातिषि तथा अभिनेता हरिहर अधिकारी र अभिनेत्री नीता ढुंगाना विवाह बन्धनमा बाँधिने भएका छन् । उनीहरूको लगनगाँठो २४ असारमा कसिने तय भएको हो ।

अभिनेता आमेश भण्डारीसँगको प्रेम सम्बन्ध टुटेपछि नीता हरिहरसँग नजिकिएकी थिइन् । उनीहरूबीच तीन वर्षदेखि प्रेम सम्बन्ध चलिरहेको बताइन्छ ।

अहिले यो जोडी चलचित्र ‘ह्रस्वदीर्घ’को निर्माणमा जुटेको छ । सोही चलचित्रको छायांकनको छेकोमा विहे गर्न लागेको स्रोतले जनाएको छ ।

विहेमा सहभागी हुन बलिउड अभिनेता तथा ‘ह्रस्वदीर्घ’मा खलनायको भूमिका निर्वाह गर्ने कलाकार प्रदीपसिंह रावत पनि नेपाल आउने भएका छन् ।

प्रदीप आमिर खान अभिनित चर्चित हिन्दी ‘गजिनी’का खलनायक हुन् ।