काठमाडौं । भारतीय एक पत्रकार नक्कली अमेरिकी डलर बोकेको अभियोगमा सात महिनादेखि झापा कारागारमा छन् । जसमा पश्चिम बंगालस्थित कोलकाताका २४ वर्षीय फोटो पत्रकार दुर्लभ राय चौधरी छन् ।

कोलकाताबाट सिलिगुडी हुँदै काँकरभिट्टा नाका भएर नेपाल आएका चौधरीलाई चन्द्रगढी विमानस्थल प्रहरीले मंसिर २ गते पक्राउ गरेको थियो । चौधरीबाट एक सय डलरको अमेरिकी नोट फोटोकपी गरिएको २२६ थान बरामद गरिएको झापा प्रहरी प्रमुख विश्वमणि पोखरेलले बताउ ।

प्रहरीले अनुसन्धान पूरा गरेर अदालतमा बुझाइसकेकाले यस विषयमा थप बोल्न उपयुक्त नहुने उनले बताए ।

विमानस्थल प्रहरीलाई उनले आफू सर्ट मुझी सुटिङका लागि आएको र आफ्नो साथमा डलरको फोटोकपी रहेको आफैंले सुनाएका थिए । तर प्रहरीले उनलाई उल्टै पक्राउ गरी खोटा मुद्दासम्बन्धी अभियोगमा मुद्दा चलाएको हो । स्रोतका अनुसार, उनको पक्षमा पर्याप्त लबिङ नहुँदा उनी कारागार चलान भएका हुन् । आजको अन्नपूर्ण पोसट् दैनिकमा खबर छ ।