काठमाडौं । विप्लव नेतृत्वको नेपाल कम्युनिस्ट पार्टी (नेकपा) का नेता खड्गबहादुर विश्वकर्मा (प्रकाण्ड) ले गृहमन्त्री बालकृष्ण खाण, गृह मन्त्रालयका सचिव टेकनारायण पाण्डे र काठमाडौंका प्रमुख जिल्ला अधिकारी गोविन्दप्रसाद रिजालसँग संयुक्त भेटवार्ता गरेका छन् ।

बुधबार बिहान गृह मन्त्रालय पुगेर नेता प्रकाण्डले गृहमन्त्री, गृह सचिव र काठमाडौंका प्रमुख जिल्ला अधिकारीलाई भेटेका हुन् ।

भेटमा राजबन्दीहरूको अविलम्ब रिहाइलगायत विषयमा छलफल भएको नेता प्रकाण्डले जनाएका छन् ।

तत्कालीन केपी शर्मा ओली नेतृत्वको सरकारसँग राजबन्दीको रिहाइलगायत बुँदामा सहमति गरेर विप्लव नेतृत्वको दल मूलधारको राजधानीतिमा फर्किएको थियो । तर यस्तो सम्झौता भएको लामो समय गुज्रिए पनि उनीहरूका नेता–कार्यकर्ता अझै जेलमा छन् ।