काठमाडौं । अपि पावर कम्पनीको लिलामी सेयर आवेदन दिने आज अन्तिम दिन रहेको छ । आज लगानीकर्ताले कार्यालय समयभित्र आवेदन दिन सक्नेछन् ।

कम्पनीले जेठ १८ गतेदखि उक्त लिलामी सेयर बिक्रीमा ल्याएको थियो । कम्पनीले चार लाख ४९ हजार ३२८ कित्ता सेयर सर्वसाधारणका लागि बिक्री खुला गरेको थियो । कम्पनीको लिलामी सेयरमा लगानीकर्ताले सय रुपैयाँ अंकित मूल्यलाई आधार मानेर सो भन्दा बढी भाउ तोकी आवेदन दिन सक्ने कम्पनीले जनाएको छ ।

उक्त सेयरका लागि लगानीकर्ताले मुक्तिनाथ विकास बैंकको भक्तपुर, ललितपुर, पोखरा, बुटवल, इटहरी, नारायणगढ, विरगञ्ज, सुर्खेत,धनगढी, जनकपुर र नेपालगञ्जका शाखाबाट आवेदन दिन सक्नेछन् ।

सेयरको बिक्री प्रबन्धकमा मुक्तिनाथ क्यापिटल रहेका छ ।