सडक भासिएको स्थानमा दुई पुरुषको शव फेला
काठमाडौं । पृथ्वी राजमार्गअन्तर्गत तनहुँको आँबुखैरेनी गाउँपालिका–४ ड्याम नजिक सडक भासिएको स्थानमा दुई जनाको शव फेला परेको छ ।
जिल्ला ट्राफिक कार्यालय, तनहुँका प्रहरी नायब निरीक्षक गोकर्ण नेपालले मर्स्याङ्दी नदी किनारमा दुई पुरुषको शव फेला परेको जानकारी दिए ।
मृतक दुवैको सनाखत हुन बाँकी छ ।
गएराति सडक भासिएको स्थानबाट एउटा कार र मोटरसाइकल तल खसेको थियो ।
पोखरा र चितवनबाट आएको गोताखोर टोलीले उक्त नदीमा खोजीकार्य गरिरहेको छ । उनले भने, ‘नदीमा मोटरसाइकल र कारको पाटपुर्जा भेटिएकाले मानवीय क्षति बढ्न सक्ने सङ्केत देखिएको छ ।’
गएरातिदेखि परेको अविरल वर्षाका कारण सडकको तलको भाग कटान गर्दा सडक भाँसिएर जोखिम र राजमार्ग अवरुद्ध बनेको छ । सडकको तलको भाग भासिएकाले बेलिब्रिज नराखेसम्म सवारी आवतजावतमा सम्भव नदेखिएको तनहुँका प्रहरी नायब उपरीक्षक युवराज खड्काले जानकारी दिए ।
प्रतिक्रिया