काठमाडौं (एजेन्सी) । चीनमा विश्वकै सबैभन्दा धेरै विश्व प्राकृतिक सम्पदा क्षेत्र रहेको चीनको राष्ट्रिय वन तथा घाँसे मैदानमामिला हेर्ने कार्यालयले बताएको छ ।

शनिबार चीनको सांस्कृतिक तथा प्राकृतिक सम्पदा दिवसको सन्दर्भमा आयोजित एक कार्यक्रममा अधिकारीहरूले चीनमा अहिले १४ वटा विश्व प्राकृतिक सम्पदा र सांस्कृतिक र प्राकृतिक दुवै विशेषताका लागि प्रख्यात चार सम्पदाहरू रहेका र दुवैले परिमाणको आधारमा विश्वलाई नेतृत्व गरिरहेका बताए ।

चीनले हरेक वर्ष जुन महिनाको दोस्रो शनिबार सांस्कृतिक तथा प्राकृतिक सम्पदा दिवस मनाउने गर्छ ।

प्रशासनले बताएअनुसार यी सम्पदा स्थलहरूले चीनको प्रतिनिधि भौगर्भिक अवशेष, भव्य पहाड, जङ्गल र तालका साथै दुर्लभ तथा खतरामा परेका वन्यजन्तु, चौपाया तथा वनस्पति प्रजातिहरूको प्रभावकारी संरक्षण गरेका छन् ।

यी क्षेत्रहरूले सांस्कृतिक अवशेष, अमूर्त सांस्कृतिक सम्पदा र ऐतिहासिक शहर, बजार तथा गाउँहरूको संरक्षणमा योगदान पुर्याएको छ ।

यसले स्थानीय मानिसहरूका लागि वार्षिक औसत पर्यटन आय १४ अर्ब चिनियाँ युआन (करिब २.१ अर्ब अमेरिकी डलर) भित्राउने गरेको छ ।