अमेरिका । अमेरिकी लेखक नेन्सी क्रयाम्पटन ब्रोफीलाई श्रीमानको हत्याको आरोपमा पोर्टल्यान्डको मुन्नोमाह जिल्ला अदालतले सोमबार जन्मकैदको सजाय सुनाएको छ । लेखकले ‘हाउ टु मडर योर हजवेन्ड’ नामको पुस्तक लेखिकी छन् ।

नेन्सीले श्रीमान डेनियलको हत्या जुन २०१८ मा गरेकी हुन् । प्रहरीले हत्या गरेको ३ महिनापछि ७१ वर्षीया नेन्सीलाई पक्राउ गरेको थियो । एक महिनाभरि भएको सुनुवाईपछि उनलाई अदालतले जन्मकैदको सजाय सुनाएको हो ।

अनुसन्धानको क्रममा उनले श्रीमानको हत्या गर्नका लागि बन्दुकको प्रयोग गरेको खुलेको छ साथै उक्त हत्या उनले श्रीमानको जीवन बिमाको हजारौं डलरको प्रलोभनमा गरेको खुलेको छ । उनको श्रीमान पेशाले शेफ थिए । उनको हत्या आफ्नै कुलिनरी इन्स्टिट्युटको भान्सामा भएको थियो ।

नेन्सीले विं.सं. २०११ मा उक्त पुस्तक लेखेकी थिइन् । सो पुस्तकले उनलाई बढी प्रसिद्ध बनाएको थियो । उनले द रङ लभर र द रङ हजवेन्ड लगायतका किताब पनि लेखेकी थिइन् ।