अमेरिकी शिक्षकलाई रुसमा १४ वर्षको काराबास सजाय
काठमाडौं । रसियन अदालतले एक अमेरिकी शिक्षक तथा पूर्व कूटनीतिज्ञलाई १४ वर्षको कारावास सजाय सुनाएको छ ।
मस्कोस्थित अमेरिकी दूतावासका पूर्व कर्मचारी मार्क फोजेललाई ठूलो मात्रामा गाँजा तस्करीमा संलग्नको आरोपमा रुसी अदालतले जेल सजाय सुनाएको हो ।
‘अमेरिकी नागरिक फोजेल दोषी पाइएका छन्,’ मस्कोको एक अदालतद्वारा जारी विज्ञप्तिमा भनिएको छ ।
बिबिसीका अनुसार, फोजेल गिरफ्तारमा पर्नुअघि अंग्रेजी शिक्षकका रूपमा एक विद्यालयमा कार्यरत थिए ।
फोगेललाई अमेरिकी बास्केटबल स्टार ब्रिटनी ग्रिनर विरुद्ध गाँजा सम्बन्धी मुद्दाको सुनुवाइ भइरहेको त्यही क्षेत्राधिकारमा सजाय सुनाइएको हो ।
विज्ञप्तिमा जनाइएअनुसार, अंग्रेजी शिक्षकले व्यावसायिक उद्देश्यबिना लागूपदार्थको ठूलो मात्रामा अवैध भण्डारणका अतिरिक्त त्यसको तस्करी गरेका थिए ।
६० वर्षीय फोजेल १५ अगस्ट २०२१ मा शेरेमेत्येभो एयरपोर्टमा समातिएका थिए । जतिबेला उनको साथमा लगभग १७ ग्राम गाँजा रहेको उनले वकिलहरूलाई बताएका थिए ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया