काठमाडौं । दीपेन्द्र तिमल्सिनाले कोरियोग्राफी तथा निर्देशन गरेको नयाँ गीत ‘ए मेरो राजा’को भिडियो यही असार १९ गते सार्वजनिक हुने भएको छ ।

एचबिएन किस्मत र सपना घिमिरेको स्वरमा रहेको उक्त गीतको भिडियोको छायांकन सकिएको निर्देशक तिमल्सिनाले बताए ।

उक्त गीत सुनिल बिसीले लेखेका हुन् भने संगीत गायक किस्मतले नै भरेका छन् ।

गीतको भिडियोमा राजु मास्टर र गायिका सपनाको अभिनय देख्न सकिन्छ ।

भिडियोको एसिस्टेन्ट कोरियोग्राफर राजाराम सिम्खडा र एसिस्टेन्ट निर्देशक लक्ष्मी तिमल्सिना रहेका छन् ।

माता मण्डली फिल्मले तयार गरेको उक्त गीतको भिडियो मास्टर टिभी २०२२ नामक युट्युब च्यानलमार्फत सार्वजनिक हुनेछ ।