काठमाडौं । नेपाल अमेरिकाको सैन्य गठबन्धन एसपिपी सम्झौताबाट पछि हटेपछि चीनको सकारात्मक प्रतिक्रिया दिएको छ । उसले नेपालले गरेको निर्णयको प्रशंसा गरेको छ ।

बिहीवार बेइजिङमा आयोजित नियमित पत्रकार सम्मेलनमा चिनियाँ विदेश मन्त्रालयका प्रवक्ता वाङ वेन नेपालको कदम सकरात्मक रहेको बताए ।

नेपालको मन्त्रिपरिषद् बैठकले हालै गरेको निर्णयलाई चीनले नोटिसमा लिएको उनको भनाइ थियो ।

उनले एसपिपी हिन्द प्रशान्त सैनिक रणनीतिको अंग भएको बताउँदै यसले नेपालको राष्ट्रिय स्वार्थमा असर पर्ने देखेर नेपालले एसपिपीबाट बाहिरिने निर्णय गरेको भन्दै प्रशंसा गरे ।

‘एसपिपीलाई लिएर नेपालमा व्यापक विरोध भयो । धेरै राजनीतिक दल र समूहसहित सेनाले समेत यसको विरोध गर्यो,’ उनले भने, ‘नेपालको राष्ट्रिय स्वार्थमा असर पर्ने देखेर नेपालले एसपिपीबाट बाहिरिने निर्णय गरेको हो ।’

एसपिपी अस्वीकार गरेको पत्र अमेरिकालाई लेख्ने सरकारको निर्णय