काठमाडौं । वामदेव गौतमको नयाँ पार्टी नेकपा एकता राष्ट्रिय अभियानले ७५ सदस्य केन्द्रीय कमिटी गठन गरेको छ । मंगलबार रिपोर्टस क्लबमा पत्रकार सम्मेलन गरी नयाँ पार्टी घोषणा गरेको हो ।

पार्टीको उदेश्य विघटित नेकपालाई पुनस्र्थापना गर्नु रहेको तत्काल एकता सम्भव नभए आगामी संघीय निर्वाचनअघि नै तीन घटकसँग कार्यगत एकता गरी वाम गठबन्धन बनाउने रहेको छ । त्यो पनि सम्भव नभए छुट्टै नयाँ पार्टी बनाएर लैजाने निर्णय गरेको छ ।

पार्टीको संगठनात्मक ढाँचा बहुपदीय हुने पत्रकार सम्मेलनमा जानकारी दिइयो । केन्द्रीय कमिटीलाई ६९ सदस्यबाट ७५ सदस्य बनाएको छ ।

दैनिक काम सञ्चालनका लागि १५ सदस्यीय स्थायी कमिटी हुने प्रचार विभाग प्रमुख निमकान्त पाण्डेले जानकारी दिए । पार्टी एकताका लागि पहल गर्न गौतमलाई जिम्मेवारी दिइएको छ ।

वामदेवको पार्टीमा श्रीमती र छोरालाई प्राथमिकता (सूचीसहित)