काठमाडौं । पार्टीमा सभापति शेरबहादुर देउवाले एकलौटी गरेको विरोधमा डा. शेखर कोइराला पक्षले भेला आयोजना गरेको छ ।
काठमाडौंको बत्तिसपुतलीस्थित अनुपम फुडल्याण्डमा भेला सुरु भएको हो ।

भेलामा शेखर पक्षका नेताहरू सहभागी छन् । महामन्त्री गगन थापा पनि सहभागी भएपछि बैठक सुरु भएको छ ।

बैठकमा सभापति देउवाले केन्द्रीय सदस्य मनोननयमा एकलौटी गरेको, आफ्नो पक्षका पदाधिकारीलाई जिम्मेवारी नदिएको, भ्रातृ संस्थामा एकलौटी गरेको विषयमा गहन छलफल हुने बताइएको छ ।

चुनावी समीक्षा र आगामी चुनावबारे पनि भेलामा छलफल हुने बुझिएको छ ।

भेलामा डा. शेखर कोइराला, महामन्त्री गगन थापा, सहमहामन्त्री जीवन परियार, नेताहरू बलबहादुर केसी, डा. चन्द्र भण्डारी, दीलेन्द्रप्रसाद बडु, डा.गोविन्दराज पोखरेल, रामकृष्ण यादव, सरिता प्रसाईं, किरण यादव, रञ्जित कर्ण, भुपेन्द्रजंग शाहीसहितका नेताहरू सहभागी छन् ।

तीन तस्बिरमा हेर्नुहोस् शेखर पक्षको भेला

देउवाको एकलौटीविरुद्ध शेखर पक्षको छुट्टै भेला, समानान्तर संगठनसम्मको चेतावनी