काठमाडौं । मेक्सिकोकाे एक सहर सान पेड्रो ह्युमेलुलाका मेयर भिक्टर ह्युगो सोसाले गोहीसँग विवाह गरेका छन् । उक्त विवाहमा मेयरका आफन्तसमेत सहभागी भएका थिए । उनले आफ्नो दुलही (गोही) लाई चुम्बनसमेत गरेका थिए ।

मेक्सिकोको ओक्साका राज्यका चोक्तल र हुआवे समुदायमा यो परम्परा धेरै वर्षदेखि चलिआएको छ । यस्तो प्रकारको विवाहमा प्रकृतिलाई धन्यवाद दिइन्छ । विवाहका लागि गोहीलाई सेतो पहिरनमा सजाइएको थियो ।

विवाहमा दुलहाको सुरक्षाका लागि गोहीको मुख बाँधिदिएको थियो । सात वर्षको उक्त गोहीलाई सानी राजकुमारीको नाम दिइएको थियो । यो सरीसृपलाई धर्ती आमाको प्रतिनिधित्व गर्ने देवी मानिने गरिन्छ ।