काठमाडौं । मंसिर ४ मा हुने प्रतिनिधिसभा र प्रदेशसभा निर्वाचनको रणनीति तय गर्न बसेको एमालेको केन्द्रीय सचिवालय बैठकले भदौमा स्थायी समिति, पोलिटब्युरो र केन्द्रीय समिति बैठक बोलाउने निर्णय गरेको छ ।

पार्टी कार्यालय च्यासलमा बिहीबार बसेको बैठकले भदौ ७ मा स्थायी समिति, ९ गते पोलिटब्युरो र १० गते केन्द्रीय समिति बैठक बोलाउने निर्णय भएको सचिव पद्यमा अर्यालले जानकारी दिइन् ।

त्यस्तै बैठकले अध्यक्ष केपी शर्मा ओलीको संयोजकत्वमा निर्वाचन परिचालन कमिटी बनाएको छ । अर्यालका अनुसार उक्त समितिमा केन्द्रीय सदस्यहरू, प्रदेश कमिटीका पदाधिकारी, केन्द्रीय निकाय र आयोगका पदाधिकारी, जनसंगठनका अध्यक्ष÷महासचिव र विभागका सचिव रहनेछन् ।

त्यसैगरी बिहीबारको बैठकले ६ सदस्य निर्वाचन घोषणापत्र मस्यौदा समिति पनि गठन गरेको छ । मस्यौदा समिति उपाध्यक्षत्रय अष्टलक्ष्मी शाक्य, रामबहादुर थापा, विष्णु पौडेल, महासचिव शंकर पोखरेल, उपमहासचिव प्रदीप ज्ञवाली र विष्णु रिजाल रहेका छन् ।