काठमाडौं । काठमाडौं उपत्यकाको फोहर बोकेर सोमबार गएका बञ्चरेडाँडा गएका गाडी र सुरक्षाकर्मीलाई स्थानीय सत्तारुढ तीन दलका कार्यकर्ताले गुलेली हानेका छन् । फोहर लिएर गएका गाडीलाई अवरोध हुने बुझेर सँगै गएका सुरक्षाककर्मीमाथि गुलेलीसँगै ढुंगा प्रहार भएको हो ।

कांग्रेस, माओवादी केन्द्र र एकीकृत समाजवादीका कार्यकर्ताले गरेको अवरोध खुलाउन पुगेको प्रहरी र उनीहरूबी झडप भएको छ । सो क्रममा प्रहरीले ती कार्यकर्तालाई लखेटेर बञ्चरेडाँडामा करिब ५० ट्रक फोहर झारेको छ । प्रहरीले लखेटेपछि ती मानिसले डाँडामा गएर गुलेली र ढुंगा प्रहार गरेका थिए ।

प्रत्यक्षदर्शीका अनुसार लगातार गुलेली र ढुंगा प्रहारपछि फोहर झार्न रोकिएको छ ।

धादिङको धुनिबेसी नगरपालिकाका कांग्रेस, माओवादी केन्द्र र एकीकृत समाजवादीका कार्यकर्ताले आइतबार साँझ एक विज्ञप्ति निकाल्दै बञ्चरडाँडामा फोहर फाल्न नदिने बताएका थिए । उनीहरूकै निर्देशनमा सोमबार अवरोध गरिएको बताइएको छ ।

बञ्चरेडाँडामा फोहर फाल्न नदिन सत्तारुढ ३ ठूला दल एकमत