काठमाडौं । एमाले अध्यक्ष केपी ओलीले सत्ता गठबन्धन नटुट्ने घोषणा गरेका छन् । पोखरा पुगेका उनले सत्ता गठबन्धन टुट्दा माओवादी र नेकपा एस धुलोपिठो हुने भन्दै उनीहरूले गठबन्धन टुट्न नदिने बताएका हुन् ।

‘यो सत्ता गठबन्धन टुट्दैन, टुट्नु पनि हुँदैन’ ओलीले व्यंग्य गर्दै भने, ‘गठबन्धन टुटिहालमो बिचराहरू धुलोपिठो हुनेछन् ।’

तर उनले आफूले पनि सत्ता गठबन्धन टुटाउन कांग्रेससँग नियमित गरेको छलफलबारे व्याख्या गरेनन् । बिहीबार एकैदिन ओलीले दुईपटक प्रधामन्त्री शेरबहादुर देउवासँग भेट गरेका थिए । शुक्रबार निर्णायक छलफल गर्ने भनिए पनि ओली पोखरा हिडे । विकल्पमा माओवादी र नेकपा एसले मध्यमार्गी प्रस्ताव ल्याएर भए पनि सत्ता गठबन्धन जोगाउने प्रयत्न गरिहेका बेला ओलीको यस्तो भनाई आएको हो ।

ओलीले एमसिसी ल्याउन निवेदन दिने झलनाथ खनाललाई ताली र आफूमाथि भने ढुंगा प्रहार गरिएको भन्दै ओलीले आश्चर्य व्यक्त गरे ।