काठमाडौं । कांग्रेस महामन्त्री गगन थापालाई डेंगु संक्रमण भएको छ ।

टाउको दुख्ने र ज्वरो आउने भएपछि परीक्षण गर्दा थापालाई डेंगु संक्रमण पुष्टि भएको उनको सचिवालयले जनाएको छ ।

‘अस्ति बेलुका एक्कासी ज्वरो आएपछि बिहीबार परीक्षण गर्दा डेंगु सक्रमण देखिएको हो । उहाँलाई अत्याधिक टाउको दुख्ने र ज्वरो १०२, १०३ सम्म आइरहेको छ ।’ थापाले सचिवालयले भन्यो, ‘बिहीबार परीक्षणपछि औषधी खाएर घरमै बस्नुभएको छ ।’

स्वास्थ्यमा समस्या आएपछि थापाले सहरी स्वास्थ्य प्रबर्द्धन केन्द्र ज्ञानेश्वरमा स्वास्थ्य परीक्षण गराएका थिए ।

बिहीबार ज्वरो बढेपछि उनले परीक्षण गराएका थिए ।

संक्रमणपछि थापा घरमै बसेर उपचार गर्दै आएका छन् ।