लक्ष्यको ६५ प्रतिशत राजस्व
काठमाडाैं । विराटनगर भन्सार कार्यालयले भदौ महिनामा लक्ष्यको ६५ दशमलव २३ प्रतिशत मात्रै राजस्व सङ्कलन गरेको छ । विराटनगर भन्सारले भदौ महिनाका लागि रु चार अर्ब ७६ करोड ८५ लाख २९ हजार राजस्व असुलीको लक्ष्य पाएकामा तीन अर्ब रु ११ करोड एक लाख ८० हजार राजस्व सङ्कलन गर्न सफल भएको हो ।
विराटनगर भन्सारले साउन महिनामा पनि लक्ष्यअनुसार राजस्व सङ्कलन गर्न सकेको थिएन । साउनमा लक्ष्यको करिब ८१ प्रतिशत राजस्व सङ्कलन गरेको थियो । साउन महिनामा विराटनगर भन्सारले रु तीन अर्ब ६४ करोड ८६ लाख ४१ हजार राजस्व सङ्कलन गर्ने लक्ष्य पाएको थियो । कार्यालयले सो महिला रु दुई अर्ब ९५ करोड १४ लाख ७० हजार सङ्कलन गरेको थियो ।
विराटनगर भन्सार कार्यालयका सूचना अधिकारी रामचन्द्रप्रसाद ढुङ्गानाले सरकारले आयातमा गरेको कडाइ र भारतीय सीमावर्ती जोगबनी बजार नजिकैको वीरगञ्ज पुल भासिएर सडक अवरुद्ध भएका कारण विराटनगर नाकाबाट हुने आयात अन्य नाकाबाट हुन थालेका कारण राजस्व सङ्कलन प्रभावित भएको बताए ।
ताजा अपडेट
-
प्रधानमन्त्रीको विश्वासको मत संकटमा !
-
नेपाली सेनाका क्याप्टेन हिरासतमा
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगिन आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
प्रतिक्रिया