देउवाविरूद्ध चुनाव जित्न ढकाल दुई दिन निराहार व्रत बस्दै

प्याब्सनलगायत निजी विद्यालय संस्थाहरूको पहलपछि ३ प्रतिशत समता शिक्षा शुल्क फिर्ता

देउवाविरूद्ध चुनाव जित्न ढकाल दुई दिन निराहार व्रत बस्दै

नेपालवाच २०७९ असोज २३ गते १४:५१

काठमाडौं । पाँच वर्षअघि बीबीसी साझा सवालको कार्यक्रममा शेरबहादुर देउवालाई प्रश्न गरेर चर्चामा आएका सागर ढकालले प्रतिनिधि सभा सदस्यमा उम्मेदवारी दर्ता गराएका छन् ।

उनले देउवाविरूद्ध डडेल्धुरामा आफ्नो उम्मेदवारी दिएका हुन् । समाजिक सञ्जाल ट्वीटरमा फोटोसहितको ट्वीट गर्दै उनले उम्मेदवारी दिएको बताएका हुन् ।

उनले स्वतन्त्रतर्फबाट आफ्नो उम्मेदवारी दिएका हुन् ।

योसँगै उनले डडेल्धुरा र देशबासीलाई नयाँ आशा विश्वास र विकाका लागि दुई दिनको निराहार ब्रत पनि बस्ने निर्णय गरेको जनाएका छन् ।

व्रत बस्नु वैज्ञानिक हिसाबले पनि उपयुक्त रहेको बताउँदै ढकालले उग्रतारा, घटाल, पर्शुराम बाबालगायतका देवी देवतालाई साक्षी राखेर व्रत बस्ने बताएका छन् ।