एलोन मस्कको परफ्युम ‘बर्न्ट हेयर’ पूरै बिक्री, एक बोत्तलको १०० डलर

नौ महिनामा भित्रियो ११ खर्ब ९१ अर्ब ३१ करोड विप्रेषण

नेपालवाच २०७९ कार्तिक २ गते १६:४१

काठमाडाैं । विश्वकै सबैभन्दा धनी व्यक्ति एलोन मस्कको ‘बर्न्ट हेयर’ परफ्युमको माग यसको सुरूवातसँगै उच्च मात्रामा थियो । उक्त ‘बर्न्ट हेयर’ को १० हजार शीशी एकैछिनमा (एक घण्टामा बिक्री भए । जसको मूल्य १० लाख डलर थियो ।

यो परफ्युम एक बोत्तलकै एक सय डलर अर्थात नेपाली रूपैयाँ १३ हजार २०८ रूपैयाँ पर्दछ ।

बुधवार बिहानै एलोन मस्कले आफ्नो ट्विटर ह्यान्डलमा एक ट्वीट पोस्ट गर्दै परफ्यूम पूरै रूपमा बिक्री भएको घोषणा गरेका थिए । उनले ट्विटरमा २८ हजार ७०० शीशी परफ्युम बिक्री भइसकेको खुलासा गरे ।

उनले अब १३ सय शीशीमात्रै बाँकी भएको जानकारी गराएका थिए । त्यसको केही छिनपछि उनले फेरी परफ्यूम पूरै बिक्री भएको बताए ।

फोर्ब्सको रियल टाइम अर्बपतिहरूको सूची अनुसार, टेस्लाका सीईओ एलोन मस्क २१८ बिलियन डलरको नेटवर्थको साथ शीर्ष १० धनीहरूमध्ये एक नम्बरमा पर्दछन् ।

‘बर्न्ट हेयर’ ब्राण्डको परफ्युम एलोन मस्कले भर्खरै मात्रै (एक साताअघि) बजारमा ल्याएका हुन् । यो परफ्युम महिला पुरूष दुबैले प्रयोग गर्न सकिने एलोन मस्कले बताएका छन् ।