काठमाडौं । काठमाडौं महानगरपालिकाका मेयर बालेन्द्र शाहले प्रदेश सभा प्रतितिधिका लागि मत नदिई फर्किएका छन् ।

आइतबार कामनपा ९ स्थित गैरीगाउँस्थित अन्नपूर्ण मतदानस्थलमा पुगेका बालेनले प्रदेश सभा उम्मेदवारका लागि मत नदिए फर्किएका हुन् ।
प्रतिनिधिसभातर्फ प्रत्यक्ष र समानुपातिकतर्फ मत दिएपछि सुरक्षाकर्मीले उनलाई अन्य दुईवटा बुथतिर इशारा गर्दै थिए । तर, बालेनले हातले त्यहाँ म नहाल्ने इशारा गर्दै मतदानस्थलबाट बाहिरिए ।

उनीसँगै राष्ट्रिय स्वतन्त्र पार्टीका सभापति रवि लामिछानेले पनि प्रदेश सभाका उम्मेदवारलाई मत दिएनन् । चितवन २ बाट प्रतिनिधिसभा उम्मेदवार रहेका लामिछानेले प्रदेशको संरचनाप्रति असन्तुष्टि व्यक्त गर्दै आएका छन् ।