काठमाडौं । ४ मंसिरमा भएको निर्वाचनपछि प्रतिनिधिसभाको मतपरिणामको नतिजा आउने क्रम जारी छ ।

अहिलेसम्म आएको ५ स्थानको परिणामअनुसार कांग्रेसले चार स्थानमा जित हात पारेको हो ।

कांग्रेसबाट मुस्ताङमा योगेश गौचन थकाली, मनाङबाट टेकबहादुर गुरुङ, काठमाडौं १ बाट प्रकाशमान सिंह र काठमाडौं ४ गगन थापा विजयी भएका हुन् ।

ललितपुर २ मा भने एमालेका प्रेम महर्जन विजयी भएका छन् ।

अग्रतामा को-को ?

अहिलेसम्म प्रतिनिधिसभाका ४५ सिटमा कांग्रेसले अग्रता लिएको छ । एमालेले ४० र माओवादीले १३ स्थानमा अग्रता लिएको छ ।

राष्ट्रिय स्वतन्त्र पार्टीले ११ र नेकपा एकीकृत समाजवादीले ७ ठाउँमा अग्रता लिएको छ ।