किएभ । युक्रेनका राष्ट्रपति भ्लाद्मिर जेलेन्स्कीले दक्षिणपूर्वी सहर मरिउपोलको बाल अस्पतालमा रुसले गरेको आक्रमण ‘युद्ध अपराध’ भएको बताएका छन् । राजधानी किएभबाट गरेको भिडियो सम्बोधनमा उनले रुसमाथि यस्तो आरोप लगाएका हुन् ।

तर रुसले बाल अस्पतालमा हमला भएको युक्रेनको दाबी अस्वीकार गरेको छ । रुसी सैनिकले आक्रमण उक्त भवनमा पहिला प्रसुति गृह रहे पनि अहिले त्यहाँ सेनाहरु मात्रै भएको रुसको भनाई छ ।

यता, संयुक्त राष्ट्र संघका मानवीय मामिला प्रमुखले युक्रेनी बाल अस्पतालमा भएको आक्रमणलाई अन्तर्राष्ट्रिय मानवीय कानुनको भयानक उल्लंघन भन्दै निन्दा गरेका छन् ।

उक्त भवनमा आक्रमणपछि झ्यालहरु भत्किएका, वरिपरि ठूलो खाडल परेको अन्तर्राष्ट्रिय सञ्चारमाध्यामले सार्वजनिक गरेका भिडियो र तस्बिरहरुमा देखिएको छ ।