काठमाडौं । माओवादी केन्द्रका अध्यक्ष पुष्पकमल दाहाल (प्रचण्ड) तेस्रोपटक प्रधानमन्त्री नियुक्त भएका छन् । गत मंसिर ४ गते भएको प्रतिनिधि तथा प्रदेश सभा निर्वाचनमा उनी नेतृत्वकाे माओवादी केन्द्र तेस्रो दल बनेको थियो ।

अध्यक्ष प्रचण्डले आज तीनजना स्वतन्त्रसहि एक सय ६९ जना सांसदको समर्थनसहित राष्ट्रपति विद्यादेवी भण्डारीसमक्ष प्रधानमन्त्रीको दाबी पेश गरेका थिए ।

उनलाई दुई वर्ष सरकारको नेतृत्व गर्नेगरी सात दलले समर्थन जुटाएका हुन् । उनले भोलि नै शीतलनिवास पुगेर राष्ट्रपति सामु शपथ ग्रहण गर्नेछन् ।

यसअघि उनी २०६५ मा साउनदेखि वैशाख २१ गतेसम्म र २०७३ साउन १९ देखि २०७४ जेठ २३ गतेसम्म प्रधानमन्त्री रहिसकेका छन् ।